Þann 1 des var undirritaður samningur milli Borgarbyggðar og Veiðifélags Arnarvatnsheiðar um leigu á skálunum við Úlfsvatn og
Álftakrók.
Veiðifélagið tekur á leigu allar byggingar á báðum stöðum, það er að sega leitarskála og hesthús.
Leigutími er tíu ár með forleigurétti áfram standi vilji til þess. Gert er ráð fyrir að Álftakróksskáli verði
að mestu leigður til hestamanna og gönguhópa eins og undanfarin ár, en næsta sumar er hugmyndin að ráðast í miklar endurbætur þar.
Úlfsvatnsskáli verður hinsvegar nýttur meira sem aðstaða fyrir veiðimenn. Nóttin í þessum skálum verður seld á kr. 2000 pr.
mann í sumar, en kjósi menn að hafa skálana einungis fyrir sig verða menn að semja sérstaklega um það, ella þurfa sætta sig við
sambúð með öðrum.
Bókanir á skálunum fara fram hérna á síðunni og ef smellt er á skálann (hérna til hliðar) þá má
nálgast nánari upplýsingar um að búnað og annað varðandi skálana.
Með von um að geta veitt veiðimönnum og öðrum ferðalöngum á heiðinni fleiri möguleika á gistingu.
